Eik-málið: Fíggjarligt støðufesti ætlar sær ikki í Hægstarætt

Fíggjarligt støðufesti hevur ikki søkt um loyvi at sleppa í Hægstarætt við Eik-málinum.

Tað fekk Útvarpið at vita frá Fíggjarligum støðufesti í gjár.

Eystari landsrættur fríkendi 10.januar Frithleif Olsen, sum var nevndarformaður í Eik, og Odd Bjellvåg, sum var næstformaður.

Í november 2019 vóru Marner Jacobsen, Odd Bjellvåg og Frithleif Olsen dømdir at gjalda Fíggjarligum støðufesti 150 milliónir krónur í endurgjaldi. 

Dómurin varð kærdur til Landsrættin, sum fríkendi Odd Bjellvåg og Frithleif Olsen.

Men Marner Jacobsen, forstjóri, var dømdur at rinda góðar 85 milliónir krónur í endurgjaldi

Marner Jacobsen

Marner Jacobsen, forstjóri í Eik Banka, hevur sagt, at hann fer at søkja um at sleppa í Hægstarætt.

Søkir um at sleppa í Hægstarætt

Fyri einum mánaða síðani segði Marner Jacobsen, at hann fór at søkja um at sleppa í Hægstarætt.

Søkjast skal til Procesbevillingsnævnet.

Marner Jacobsen segði tá, at hann og advokatur hansara halda ikki, at dómurin er rættur. 

- Vit meta, at eg eri ósekur, segði hann.

Marner Jacobsen var í Eystara landsrætti dømdur at rinda Fíggjarligum støðufesti endurgjald fyri sín lut sum nevndarformaður í danska Eik banka.

22.juni í 2020 var hann fríkendur í Hægstarætti.