Cameron: Minnir um tíðina fyri seinna heimsbardaga

Politiska støðan í Evropa í dag minnir um hana í tíðini fyri seinna heimsbardaga.

Soleiðis ljóðar greiningin hjá bretska uttanríkisráðharranum, David Cameron, í samrøðu við miðilin Politico.eu í samband við hansara luttøku á toppfundinum hjá World Economic Forum, sum verður hildin í sveisiska býnum Davos.

Sambært David Cameron er russiska innrásin í Ukraina tað mest átrokandi málið, sum ein loysn má finnast á.

- Hetta er størsta avbjóðingin hjá okkara ættarliðið. Hetta er sum at vera uttanríkisráðharri ella leiðari í Evropa í tretivunum. Vit mugu ikki eftirlíka Putin. Vit mugu standa ímóti tí ondskapi, sum hendan innrásin umboðar, sigur hann við Politico.