Steins, Dujshebaev ella Pálmarsson?

Verður tað Luc Steins, Alex Dujshebaev, Aron Pálmarsson ella onkur heilt annar.

Leygardagin verður kastað lut um, hvørjum Føroyar skulu spæla ímóti í play-off dystunum til HM í 2025, sum verður í Danmark, Norra og Kroatia.

Londini eru styrkismett í tveir pottar. Føroyar eru í potti tvey, og skulu spæla ímóti einum landi úr potti eitt. 

Londini í ovara styrkispotti eru Slovenia, Ungarn, Portugal, Eysturríki, Ísland, Holland, Spania, Montenegro, Kekkia, Pólland og Norðurmakedonia.

Play-off dystirnir verða spældir úti og heima dagarnar 8. - 12. mai. 

HM-vertslondini, Danmark, Norra og Kroatia, og trý tey bestu londini í EM-kappingini, Frakland, Týskland og Svøríki, hava longu tryggjað sær HM-plássið.