Tveittu suppu á Mona Lisu

Mótmælisfólk hava í morgun tveitt suppu á heimskenda málningin Mona Lisu, sum hongur í listasavninum the Louvre í París. 

Tað skrivar bretska kringvarpið. 

Málningurin hjá Leonardo Da Vinci er tó vardur av glasi, so tað er ósannlíkt, at málningurin fekk skaða av herverkinum. 

Mat aftursvar
Eitt sjónband frá staðnum vísir tvær kvinnur í stuttermdum blúsum við boðskapinum "Mat aftursvar", tveita suppu á málningin. 

Hareftir kravdu tær rætt til sunnan og burðadyggan mat, meðan tær søgdu, at landbúnaðarskipan er sjúk, skrivar BBC.

Trygdarfólk í savninum settu svartar skermar fyri tær, áðrenn fólk blivu koyrd úr rúminum. 

Hetta er ikki fyrstu ferð, at mótmælisfólk hava framt herverk móti kenda málningnum, og hevur málningurin síðan fimtiárunum verið vardur við glasi, aftaná ein vitjandi kastaði sýru á málningin.