Byrja móti Lettlandi

Føroyar spæla fyrsta dystin ímóti Lettlandi sunnudagin 17. mars klokkan 13, skrivar Fótbóltssamband Føroya á heimasíðuni.

Hini londini í bólkinum eru Georgia og Rumenia.

Næsti dysturin hjá føroysku gentunum er mikudagin 20. mars klokkan 13, tá tær møta Georgia, og leygardagin 23. mars klokkan 17 verður dysturin móti Rumenia.

Allir dystirnir, undantikið dysturin millum Georgia og Lettland í síðsta umfari, sum verður spældur á ovaravølli í Gundadali, verða á Tórsvølli.