Taptu við tveimum málum í venjingardysti

Føroyska fótbóltslandsliðið við kvinnum tapti 2-0 í venjingardysti fyri Malta hósdagin. Dysturin varð spældur á Tony Bezzina Stadion á Miðjarahavsoynni, har Føroyar eisini skulu spæla ímóti Albania.

Talan var um javnan dyst, og tað var málleyst í steðginum. Í seinna hálvleiki skoraðu vertirnir tvær ferðir, skrivar fsf.fo.

Dysturin ímóti Albania verður sunnudagin klokkan 13:00. 

Venjingarlegan á Malta er fyrireiking til EM-undankappingina, sum byrjar fyrst í apríl mánað. Hvørjum londum okkara kvinnur skulu møta í undankappingini, verður avgreitt við lutakasti, sum verður týsdagin 5. mars.