Bilur rendi á hús í Blómubrekku

Bilur rendi á hús í Blómubrekku
Rúsdrekkakoyring, innbrot, brummugisting og brot á tilhaldsreglur er nakað av tí, politiið hevur arbeitt við síðsta samdøgrið.
Mynd: Bjarni Árting Rubeksen  
 
24.02.2024 - 12:42

Umleið klokkan 19.30 í gjárkvøldið rendi ein bilur á eini hús í Blómubrekku í Havn. Fleiri mans vóru í bilinum, men eingin teirra fekk nevniverdan skaða, sigur politiið, men bæði bilurin og húsini fingu stóran skaða.

Politiið fekk skjótt fatur á bilføraranum, ið var ávirkaður. Blóðroynd varð tikin, og hann verður skuldsettur fyri rúsdrekkakoyring.

Ófantaligir
Í gjáranáttina var innbrot í Mikkelers í Havn, men tað var ikki fyrr enn seinnapartin í gjár, at funnið varð út av hesum og boðað politinum frá. Ein rútur var brotin, og nakað av pengum og rúsdrekka var stolið.

Nakrir druknir mans vístu heldur ófantaligan atburð í Havn í gjárkvøldið, og ein teirra varð tikin inn at sova rúsin út.

Og í Klaksvík varð ein maður um trý-tíðina í nátt skuldsettur fyri ikki at halda tilhaldsreglurnar, eftir at hann hevði verið ólátaður ímóti øðrum fólki.

Er kopiera
Nýggjastu sendingar í ÚV
Leygardag 20. apríl
Jambalaja 200424
173993
Leygardag 20. apríl
Upp á tá - 190424
173986
Leygardag 20. apríl
Vikan 20.apríl 2024
173982
Leygardag 20. apríl
Morgunlestur leygardagur 20. apríl 2024
173397
Fríggjadag 19. apríl
Vikuskiftið 19 apríl 2024
173966
Nýggjastu sendingar í SV
Fríggjadag 19. apríl
Veðrið
173964
Fríggjadag 19. apríl
Dagur og vika - teknmálstulkað
173933
Hósdag 18. apríl
Mett fyri minni (3:3)
173887