Solby fer at samskipa oyggjaleikirnar

Solby fer at samskipa oyggjaleikirnar
Solby A. Christiansdóttir tekur við starvinum 1. mai
Solby A. Christiansdóttir, sum er sett sum samskipari, og Elin H. Joensen, forkvinna í ÍSF. (Mynd: ÍSF)
 
28.02.2024 - 14:18

Solby A. Christiansdóttir er sett í starvið at fyrireika og samskipa oyggjaleikirnar, sum verða í Føroyum í 2027.

Tað upplýsir ÍSF.

Høvuðsuppgávan hjá samskiparanum verður í fyrstu syftu at samskifta við sambondini og ymsu ítróttagreinarnar í Føroyum, sum  fara at hava ein stóran leiklut, nú kappingarnar skulu leggjast til rættis.

Uppgávan fevnir eisini um samskifti við politisku skipanina, kommunur, altjóða oyggjaleikanevndina og hini oyggjaleikalondini.

 

Innihald og karmar

Samskiparin skal samskipa innihaldið og karmarnar um leikirnar, og hon fær ábyrgdina av øllum logistikki - bæði viðvíkjandi kappingum, venjingum og ikki mist gisting, nú ein innrás av íðkarum, hjálparfólki og áskoðarum væntast koma til Føroya, sigur ÍSF.

Solby A. Christiansdóttir er útbúgvin journalistur og hevur m.a. starvast í Kringvarpinum í 15 ár.

Hon kennir ítróttaheimin, bæði sum íðkari og venjari, og í Kringvarpinum hevur hon eisini arbeitt við ítrótti.

Solby A. Christiansdóttir tekur við starvinum sum samskipari av oyggjaleikunum 1. mai.

Er kopiera
Nýggjastu sendingar í ÚV
Leygardag 31. mai
Jambalaja - takk fyri hesaferð
192669
Leygardag 31. mai
Vikan 31. mai 2025
192633
Leygardag 31. mai
Morgunlestur leygardagur 31.mai 2025
192277
Nýggjastu sendingar í SV
Leygardag 31. mai
Norðoyastevna 2025: 10 MANNAFØR
192646
Leygardag 31. mai
Norðoyastevna 2025: 5 MF KVINNUR
192643
Leygardag 31. mai
Norðoyastevna 2025: 6 MF MENN
192644