- Tíðindi, mentan og ítróttur
Magne Hoseth koyrdur sum høvuðsvenjari í Lyngby
Magne Hoseth koyrdur sum høvuðsvenjari í Lyngby
Uppsøgnin hevur einki við úrslitini at gera, men talan er um skeiva meting hjá eigarum og leiðslu í fótbóltsfelagnum
![](https://kvf.fo/sites/default/files/styles/grein-ovasta-mynd/public/magne_mynd.jpg?itok=Wj81CV1y)
Magne Hoseth fekk bara 50 dagar sum høvuðsvenjari í Lyngby.
01.03.2024 - 11:23
Norski venjarin Magne Hoseth er koyrdur frá sum høvuðsvenjari hjá danska fótbóltsliðnum Lyngby, sum spælir í bestu donsku deildini, eftir 50 dagar í starvinum.
Magne Hoseth er kendur í Føroyum.
Hann gjørdi í november 2022 sáttmála við KÍ í Klasvík, men Lyngby keypti hann í januar í ár leysan úr sáttmálanum, sum vardi til seint í hesum árinum.
Sambært heimasíðuni hjá danska felagnum Lyngby-boldklub.dk, hevur uppsøgnin einki við úrslitini at gera, men at talan er um skeiva meting hjá eigarum og leiðslu í fótbóltsfelagnum.
Hin parturin av venjingartoyminum og leikararnir stuðlaðu ikki Hoseth, sigur leiðslan.
Nýggjastu sendingar í ÚV
Nýggjastu sendingar í SV