Á Breddanum: Vitjanin hjá ES-nevndarforkvinnuni í Føroyum

Ovasta embætisfólkið í ES var á vitjan í Føroyum í gjár.

ES-nevndarforkvinnan, Ursula von der Leyen, skrivaði saman við løgmanni undir eitt sonevnt semjuskjal um tættari samstarv millum ES og Føroyar. 

Men hvat merkir tað í veruleikanum, og hví kemur ES-nevndarforkvinnan higar júst nú?

Tað fara vit at tosa um í sendingini í dag,  har millum annað politiskt orðaskifti verður um møguleikarnar í nýggju semjuni.

Vit viðgera eisini vantandi opinleikan, sum miðlarnir upplivdu, tá tað gjørdist greitt, at bert tveir føroyskir miðlar sluppu at seta ein spurning í part til nevndarforkvinnuna, og eingin fekk avtalu um samrøðu við hana. 

Miðlafólk skifta orð um hetta síðst í sendingini.

Breddin í útvarpinum klokkan 10.

Sendingin verður stroymd her.