Innbrot í Klaksvík: Løgreglan sóknast eftir vitnum

Løgreglan sóknast eftir vitnum í sambandi við eitt innbrot í FK-handilin í Klaksvík um hálvgum trý tíðina sunnunáttina. Tjóvarnir hava stolið stóra peningaupphædd, sigur løgreglan.

- Kanningararbeiðið hevur víst, at tann eini brotsmaðurin var ílatin eina hvíta málaradrakt við bláum strípum á, sigur Kári Jacobsen, leiðari á kanningardeildini hjá løgregluni. 

Arbeitt verður í løtuni við at kanna sjónbandamyndir frá vakmyndatólum í umráðnum, men higartil hevur løgreglan ikki fingið fatur á vitnum, sum hava sæð nakað, leggur Kári Jacobsen afturat. Tí hevur løgreglan deilt eitt uppslag á Facebook-vanga sínum við mynd av draktini, sum talan er um, og við eini áheitan til fólk, sum møguliga hava sæð okkurt, um at venda sær til løgregluna. 

Halda fólk seg vita nakað um málið, vera tey biðin um at ringja til politiið á 351448 ella 114.