Nólsoy og Sumba skulu hava nýggjan fyrstalærara

Tvey størv sum fyrstilærari eru leys at søkja, annað í Nólsoy og hitt í Sumba. 

Í Nólsoy eru 13 næmingar innskrivaðir í 1.-7. flokk, og umframt skúlaleiðaran starvast ein lærari í skúlanum.

Í Sumba eru 35 næmingar innskrivaðir í 1.-7. flokk, og har starvast fýra lærarar og skúlaleiðari.

Undirvísingarstýrið hevur lýst størvini leys, og freistin at søkja er 19. apríl.