Falstíðindi fáa færri miðlar at senda fólk apríl

Fake news, falstíðindi, gera, at nógvir fjølmiðlar eru givnir at senda lesarar, lurtarar og hyggjarar apríl.

Hetta byrjaði longu í 2017.

Og siðvenjan at senda fólk apríl kann halda heilt uppat, sigur Caroline Nyvang, granskari á Kongaliga bókasavninum í Danmark, við Ritzau.

Hon hevur millum annað granskað søguna um tað at senda apríl

Hon sigur, at nógvir fjølmiðlar eru givnir at senda fólk apríl, tí teir halda tað vera at seta trúvirðið í vága, nú so nógv falstíðindi eru.

Men hon sigur eisini, at fyritøkur eru ikki givnar at senda fólk apríl.

Tað gera tær fyri at fáa umtalu og reklamu, sigur Caroline Nyvang.

Siðvenjan at senda fólk apríl er fleiri hundrað ára gomul.