Drápsmaður hótti í rættinum

Hetta hendi, tá hann hótti eitt vitni, sum er sálarlækni á rættarpsykiatriska varðhaldinum, har maðurin varð handtikin.

- Far ordiliga við mær, rópti hann fleiri ferðir, meðan sálarlæknin sat á vitnisbeinkinum. Og tá dómarin gjørdi av, at hann skuldi koyrast út úr rættarsalinum, rópti hann, at sálarlæknin er "eitt svín".

Maðurin er skuldsettur fyri at hava dripið Mariann Stenberg tann 21. juli í fjør við at stinga hana fleiri ferðir við knívi. Og tað er á rættarpsykiatrisku deildini, at hann eisini skal hava hótt hendan sálarlæknan eftir lívinum. 

41 ára gamli maðurin skal hava sagt, at hann eisini vildi leggja hendan læknan í jørðina, eins og hann hevði gjørt við føroysku Mariann Stenberg. Hann skal eisini hava sagt, at honum nýttist ikki knív, fyri at drepa læknan. Hann kundi bara bróta hálsin á henni.

Málið er fyri í rættinum í Glostrup, og væntað verður, at dómur fellur fríggjadagin.

41 ára gamli maðurin noktar seg sekan, hóast hann í grundlógaravhoyringini játtaði seg sekan. Nú sigur hann, at hann var sinnissjúkur, tá drápið hendi.