Vandi fyri at verjuskip av misgáum skjýtur rakett

Í løtuni vera skip og bátar biðin um at halda seg burtur úr einum øki í Stórabelti í Danmark.

Orsøkin er, at ein skutilsrakett - tað sum á donskum verður nevnt eitt harpunmissil -  á verjuskipinum Niels Juel er í vanda fyri óætlað at verða skotin avstað.

Tað upplýsir sjóferðslustýrið í tíðindaskrivi. 

Stýrið ávarar um, at petti frá rakettini kunnu detta niður í eitt øki, sum er beint í siglingarleiðini við brúnna um Stórabelt.

Danska verjan sigur somuleiðis í tíðindaskrivinum, at tað ber ikki til at deaktivera rakettina í løtuni. 

Serfrøðingar arbeiða tó við at loysa trupulleikan, sigur danska verjan.