BEINLEIÐIS FÓTBÓLTUR: Grikkaland - Føroyar (EM-undankapping, kvinnur)

Signe Pries Andersen, landsliðsvenjari hjá kvinnum, hevur sett liðið, ið byrjar á vøllinum í EM-undankappingardystinum móti Grikkalandi.

Í kvøld klokkan 18:00 spælir føroyska kvinnulandsliðið fyrsta dystin í undankappingina til evropameistaraheitð, sum verður í Sveis í juli í 2025. Føroyar eru í bólki C3, saman við Grikkalandi, Montenegro og Andorra.

HYGG AT DYSTINUM HER:

Føroyar leggja fyri á útivølli ímóti Grikkalandi, og nú er greitt, hvørjar tær fyrstu ellivu eru, ið Signe Pries Andersen, landsliðsvenjari, sendir á vøllin frá byrjan.

Valborg Østerø verður í mál, og verjuna manna Sara Samson Lamhauge, Birita Ryan og Tórunn Højgaard Joensen. Á føroyska miðvøllinum vera Jensa Tórolvsdóttir, Sunniva Willemoes, Rúna Jacobsen og Ásla Johannesen, og framrættaðu spælararnir eru Heidi Sevdal, Rebekka Benbakoura og Eyðvør Klakstein.

Á bonkinum sita Eyðgerð Mikkelsen, Fridrikka Clementsen, Malena Olsen, Durita Hummeland, Tóra Mohr, Sanna Svarvadal, Lea Lisberg og Mona Rasmusdóttir.