Landsstýrismaðurin: Felagskvota av svartkjafti er politiskur vilji

Ætlanin at skipa 35.000 tons av svartkjafti í eina felagskvotu er eitt politiskt ynski, nú svartkjaftakvotan er munandi størri enn vanligt. 

Tað sigur Dennis Holm, landsstýrismaður í fiskivinnumálum.

Hann vísir aftur atfinningunum frá felagnum Nótaskipum um, at hann ikki hevur heimild til at broyta býtið. 

Svartkjaftakvotan í ár er óvanliga stór,  tí strandarlondini samdust ikki um býtið av heildarkvoturni. Tí ber tað til at gera eina broyting í býtinum í ár, sigur Dennis Holm. 

Hoyr innslag í útvarpstíðindunum: 

Hoyvík, nótaskip

Hoyvík er eitt av nótaskipunum. 

Føroyska svartkjaftakvotan í ár er 543.000 tons.

Broytingin, sum landsstýrismaðurin ætlar at gera, hevur við sær, at øll, sum hava rætt at fiska svartkjaft, kunnu fiska av felagskvotuni upp á 35.000 tons.

Hetta er tó treytað av, at tey hava brúkt aðrar tillutaðar kvotur av svartkjafti í 2024. 

Hvørt skipið kann tó í mesta lagi fiska 2.500 tons av felagskvotuni.