Børsurin logar framvegis

Tað eru framvegis glóðir at síggja í Børsinum.

Tilbúgvingin pakkaði annars saman í gjárkvøldið, og eftir ætlan skuldi kanningararbeiðið byrja í morgun. Men tilbúgvingin mátti skjótt aftur á staðið, tí tað var byrjað at gløða í træbjálkum, m.a. í einum træbjálka, sum førir yvir í tann partin av Børsinum, sum enn stendur óskalaður. 

Børsurin í Danmark Børsen

Mynd: Liselotte Sabroe/Ritzau Scanpix

Tað siga danskir miðlar í morgun. 

Tað var týsdagin fyri einari viku síðan, at eldur kyknaði í Børsinum í Keypmannahavn. 

Annar parturin av søguliga bygninginum er farin upp í royk, ímeðan hin parturin er óskalaður. 

Ikki er greitt enn, hví eldur kom í.