Mæla til at gera bíðirúm við ferjuleguna í Hesti

Tórshavnar havn mælir býráðnum til at gera eitt bíðirúm í Hesti til ferðafólk, sum skulu við ferjunum hjá Strandfaraskipum landsins.

Eisini kunnu útlendingar og føroyingar, sum koma út í Hest við seglbátum og øðrum frítíðarbátum, brúka bíðirúmið at sita í.

Málið kemur fyri á býráðsfundi í kvøld.

Tórshavnar havn hevur biðið um tilboð til byggingina.

Havnanevndin tekur undir við stjóranum í Tórshavnar havn um at játta 500.000 krónur av íløguætlanini fyri bátahavnir fyri 2024.