Útlendingur varðhaldsfongslaður fyri grovan harðskap

Løgreglan sóknast eftir vitnum í einum máli um grovan harðskap.

Umleið kl. 20 sunnukvøldið var ein kvinna í 20-árunum álopin, meðan hon gekk túr eftir gøtuni ovarliga við Sandá í Havn.

Gerningsmaðurin leyp á kvinnuna aftanífrá og framdi ógvusligan harðskap móti henni. 

Kvinnan fekk skaðar av álopinum og var løgd inn á Landssjúkrahúsið til kanningar.

Umleið 15 minuttir eftir álopið handtók politiið ein mann í kirkjugarðinum við Velbastaðvegin.

Maðurin var í grundlógarvahoyring í gjár, og hann var varðhaldsfongslaður í fýra vikur. Maðurin, sum er í tríatiárunum og er útlendingur, noktaði seg sekan.

Løgreglan leitar eftir vitnum í málinum, og serliga er tað ein maður, sum kann hjálpa løgregluni.

Heri Andreassen

Dagført: Hoyr samrøðu, sum Sigrún H. Brend gjørdi við Hera Andreassen, varapolitiinspektør, í útvarpstíðindunum: