ICC vil handtaka Netanyahu

ICC vil handtaka Netanyahu
- Netanyahu og Sinwar hava framt krígsbrotsgerðir og brotsgerðir móti mannaættini, sigur ICC
Altjóða revsirættarligi Dómstólurin ICC í Haag.
 
20.05.2024 - 14:39

Altjóða revsirættarligi Dómstólurin ICC vil hava handtøkuboð útskrivað ímóti ísraelska forsætisráðharranum Benjamin Netanyahu og ímóti Hamas-leiðaranum Yahya Sinwar. Tað sigur høvuðsákærin við altjóða revsirættarliga dómstólin, Karim Khan, í samrøðu við amerikanska miðilin CNN.

ICC-dómstólurin metir, at Netanyahu og Sinwar hava framt krígsbrotsgerðir og brotsgerðir móti mannaættini við álopinum hjá Hamas á Ísrael 7. oktober og eftirfylgjandi hernaðaratsóknini hjá Ísrael í Gaza.

Avgerðin hjá ICC flokkar Netanyahu saman við russiska forsetan Vladimir Putin. Handtøkuboð eru givin móti honum fyri at hava lopið á Ukreina.

ICC er ein millumtjóða stovnur í Haag í Niðurlondum, sum kann rættarsøkja einstaklingar fyri brotsverk móti mannaættini, krígsbrotsverk og fólkadráp. Dómstólurin er ikki at blanda við Altjóða Dómstólin hjá ST, sum eisini heldur til í Haag, og sum viðgerð ósemjur ímillum lond.

Er kopiera
Nýggjastu sendingar í ÚV
Mánadag 17. juni
Biltúrurin 1: Koyrt verður í Vágum
176597
Mánadag 17. juni
Søgan um Hank Williams (1:8)
176854
Mánadag 17. juni
Víkingur og HB eru vælkoyrandi
176871
Mánadag 17. juni
EM-tíðindi: 17. juni 2024
176867
Mánadag 17. juni
Morgunlestur mánadagur 17. juni 2024
176796