Nýtt savn um grønlandsútróðurin í Miðvági

“Um vit ikki høvdu møguleikan at fara til Grønlands í 1950- og 1960-árunum, høvdu vit havt eina hópfráflyting tá”, sigur Jon Hansen, ið er ein av stigtakarunum til nýggja savnið, ið skal byggjast millum gomlu smiðjuna hjá J. K. Joensen & Soni og flakavirkið Snarfrost.

Jon Sigurd Hansen, Tá Grønland bjargaði Føroyum

Og savnið hevur longu rættiliga nógvar bátar, sum royndu í Grønlandi, samstundis sum aðrir gripir eisini eru tøkir.

"Savnsbygningurin er teknaður við íblástri frá bygningum í Føroyingahavnini," sigur Mayfinn Norðoy, arkitektur og stjóri í Kontrast Arkitektum.

Bygningurin verður umleið 20 ferðir 40 metrar stórur, og talan verður um ein timburbygning, har ið ætlanin er, at tú sært niður í bátarnar, tá tú vitjar savnið – júst sum tá ið bátarnir lógu við kei.

Grønlandsútróður, savn um grønlandsútróður

Sjómansheimið hevði stóran týdning

Í 1936 byggja føroyingar sjómansheimið Lívd stutt frá sjúkrahúsinum í gomlu Føroyingahavnini.

Tað var tann føroyska heimamissiónin, sum bygdi fyri pening, ið vóru savnaðir í Føroyum.

Sjómanheimið Lívd reist í Føroyingahavnini í 1956

Í 1958 verður sjómansheimið Lívd, sum varð flutt úr gomlu Føroyingahavnini og útbygt tvey ár frammanundan, vígt av Jóhan Nielsen, presti.

Og í 1960 verður sjómansheimið víðkað, so teir fleiri hundrað menninir kunnu vera til kost har.

Ein av teimum átta monnunum, sum fluttu og útbygdu sjómansheimið í 1956, er Hans Eli Jacobsen, ið er búsitandi við Kolbeinagjógv.

Hans Eli Jacobsen, Tá Grønland bjargaði Føroyum

Hans Eli Jacobsen úr Kolbeinagjógv fór sum blað ungur til Føroyingahavnina í Grønlandi at arbeiða

Hans Eli sigur okkum, at teir fóru til Grønlands við skonnartini Tinganesi, men hetta gjørdist ein drúgvur túrur. Men tað gjørdi ikki tað stóra, tí tá komið var í Føroyingahavnina, var tað framvegis nógvur kavi.

Sjómansheimið var tikið niður og flutt við báti í Ulkuvíkina, og her skuldi tú passa tær løgir, soleiðis at tað var flóð, og tú kundi koma so nær staðnum, har ið sjómansheimið skuldi standa, tí annars var tað ov langt at bera.

Nordafar gav skarvin yvir

Tá ið Nordafar fór á húsagang í 1989, misti landskassin 70 milliónir krónur, og tá hevði ikki verið stórvegis virksemi á støðini í fleiri ár. Men Nordafar hevði stóran týdning í 1950- og 1960-árunum.

Í 1974 framleiddi Nordafar fyri seinastu ferð flak úr fiski frá føroysku útróðrarmonnunum í Føroyingahavnini. Árið eftir tók felagið móti fiski frá seks útróðrarbátum, men fiskurin var saltaður. Og samstundis var hetta seinasta árið, føroyingar høvdu skipaðan útróður í Føroyingahavnini og í Grønlandi yvirhøvur – eitt 40 ára skeið varð lagt afturum, og ein týðandi vinna fór í søguna.

Sjómansheimid lívd í Føroyingahavnini

Flakavirkið á Nordafar varð tikið niður í 1976, og maskinur at skilja og pakka rækjur vóru settar upp í staðin.

Ymiskt virksemi var á Nordafar í 1970-árunum, men í 1980-árunum minkaði virksemið munandi, og í 1989 fór felagið av knóranum.

Í hesum partinum sigur Jógvan Arge okkum søguna um Nordafar í 1970- og 1980-árunum.

Funnu saman í Grønlandi

Sofía Haraldsen, ið er ættað úr Grønlandi, og miðvingurin, Árindal Haraldsen, ið rør út í Grønlandi, finna saman, tá ið hon arbeiðir í saltfiskinum har yviri.

Og tað eina summarið búgva Sofía og yngsta dóttirin í skúrinum, har ið Árindal og manningin halda til. Og her tekur Sofía sær eitt nú av at kokkast og halda reint. Sofía nevnir millum annað, at tað ikki altíð var líka lætt at gera føroyskan mat, eitt nú helt hon, at knettini skuldu kókast í fleiri tímar.

Tú kanst hoyra sætta part í sendirøðini "Tá Grønland bjargaði Føroyum"  HER!

Tá Grønland bjargaði Føroyum - sendingamynd

Hvat: Tá Grønland bjargaði Føroyum
Hvar: KVF Ljóð
Nær: Tá tað passar tær