Jacob Vestergaard: Landsstýriskvinnan segði ósatt fyri tinginum

Landsstýriskvinnan við bústaðarmálum segði ósatt fyri tinginum, tá hon í løgtinginum segði, at hon ikki hevði fingið ábendingar um, at tað eru trupulleikar við langtíðarhaldførinum hjá Bústøðum.

Tað sigur Jacob Vestergaard, løgtingslimur fyri Fólkaflokkin og ein av løgtingsgrannskoðarunum. Hann hevur kært landsstýriskvinnuna í bústaðarmálum til landsstýrismálanevndina.

Ingilín D. Strøm

Ingilín D. Strøm, landsstýriskvinna, er kærd til landsstýrismálanevndina. 

Ingilín Didriksen Strøm átti at vitað betur, sigur Jacob Vestergaard, tí hon hevði fingið tað at vita í frágreiðingini, sum Landsgrannskoðanin gjørdi um Bústaðir í vár, og sum landsstýriskvinnan hevði fingið sendandi undan viðgerðini. 

Hoyr innslag í útvarpstíðindunum:

Ikki er greitt, um landsstýrismálanevndin fer at viðgera kæruna. Tað verður avgjørt á fundi ýsdagin.