Semingsstovnurin hittir partarnar fyrrapartin

Fyrrapartin fara arbeiðarafeløgini og arbeiðsgevararnir á fund hjá Semingsstovninum.

Alt eftir, hvat kemur burtur úr fundinum, kunnu partarnir fara til veruliga samráðingar fríggjadagin, segði semingsmaðurin í gjár.

Umboð fyri arbeiðarafeløgini vóru seinnapartin í gjár hjá Semingsstovninum, og har var avtalað, at umboð fyri partarnar skulu hittast klokkan tíggju fyrrapartin í dag.

Terje Sigurðsson hevur einki semingsuppskot við í skjáttuni, men vónar at kunna fara undir veruliga samráðingar í morgin.