Biðja ikki um fleiri skáar

Hóast prísir og rentur eru hækkað nógv, boða peningastovnarnir ikki frá fleiri umbønum um skáar ella fleiri eftirstøðum, hóast fíggjarliga støðan hjá húsarhaldunum er versnað. 

Tað sigur Váðaráðið. 

Útlánsvøksturin hjá peningastovnunum er stórur, men er tó minkaður síðani januar. 

Í mars var útlánsvøksturin 8,5 prosent.

Hann stavar serliga frá útlánum til kommunur og almenn feløg, sigur Váðaráðið. 

Váðaráðið hevur lagt til merkis, at innlánsyvirskotið í peningastovnunum framvegis er minkað, men gjaldførið hjá teimum er í lagi.