Hitabylgja í Grikkalandi

Hitabylgja er í Grikkalandi. 

Akropolis, sum er størsta ferðamál í grikska høvuðsstaðnum Athen, er stongt fyri vitjandi í dag, tí hitin er so nógvur. Og væntandi verður neyðugt at hava stongt í fleiri dagar. 

Tað hevur grikska mentamálaráðið boðað frá í morgun, skrivar AFP. 

Griksku myndugleikarnir ávara samstundis ímóti at brúka eld uttandura, tí vandi er fyri eldsbruna.

Mett verður, at hitin í Athen fer at tátta í 43 stig í dag.

Skúlar í øllum landinum eru eisini stongdir í dag, tí tað er so heitt.

Hitabylgjan, sum nú hevur rakt Grikkaland, er tann fyrsta í ár.