Borgarstjórin á Tvøroyri krevur treytaleysa umbering fyri lesarabræv

- Kemur rektarin á miðnámi í Suðuroynni ikki við eini treytaleysari umbering, so fer advokaturin hjá mær víðari við málinum. 

So bersøgin er Kristin Michelsen, borgarstjóri á Tvøroyri. 

Hann kennir seg stoyttan av einum lesarabrævi hjá rektaranum.

Rektarin, Rósa Heinesen, sendi fyrradagin føroysku miðlunum eitt longri lesarabræv, sum snýr seg um kommunusamanleggingina í Suðuroy. 

Yvirskriftin er "Kommunusamanlegging: ein fallos og annar".

Men orðingarnar í lesarabrævinum eru so grovar og sexistiskar, heldur Kristin Michelsen, at hann hevur vent sær til ein advokat.

Hoyr innslag í útvarpstíðindunum:

Vit fáa viðmerking frá Rósu Heinesen seinni í dag.