Russland fær formansskapin í trygdarráðnum

Seinast, Russland hevði formansskapin í ST-trygdarráðnum, var í apríl í fjør. Russar høvdu eisini formansskapin í 2022, samstundis sum landið gjørdi innrás í Ukraina

15 lond hava sæti í ST-trygdarráðnum, og tey skiftast um at hava formansskapin ein mánað í senn. (Savnsmynd: Ritzau Scanpix)

Sigrún H. Brend

01.07.2024 - 14:28

Meðan kríggið herjar í Ukraina, tekur Russland í dag við formansskapinum í ST-trygdarráðnum.

Trygdarráðið hevur høvuðsábyrgdina av arbeiðnum hjá ST at varðveita frið og trygd í heiminum.

Tað kann tykjast rangvørgt, men Russland er eitt av teimum fimm føstu londunum í ráðnum, og kann tí ikki koyrast úr ráðnum.

Ein mánað í senn

Tilsamans hevur trygdarráðið 15 limalond, sum skiftast um at hava formansskapin ein mánað í senn.

Seinast, Russland hevði formansskapin í ST-trygdarráðnum, var í apríl í fjør. Russar høvdu eisini formansskapin í 2022, samstundis sum landið gjørdi innrás í Ukraina.

Sambært tíðindarásini Ria Novosti, sum russiski staturin eigur, hevur Russland fyrireikað trý høvuðsevni undir formansskapi sínum. Eitt er ukrainska rakettálopið á eina strond í Sevastopol á hersettu hálvoynni Krim.

Russland sigur, at amerikanskar ATACMS-rakettir vóru brúktar.