Kanna hvalspýggju

Skaðiligar hvalspýggjur eru ein vaksandi avbjóðing fyri alivinnuna í grannalondunum Noregi og Skotlandi, og veðurlagsbroytingarnar hótta bæði við at økja um títtleikan og álvarsemi av hesum blóman av hvalpýggja í Norðuratlantshavi.

Men sera lítil vitan er um hvalspýggju í føroyskum sjógvi. Hvørji sløg eru til staðar? Hvør er teirra útbreiðsla og lívsringrásir? Er hetta broytt við tíðini?

Tí verður ein verkætlan skipað undir leiðslu av Firum, sum fyrr kallaðist Fiskaaling. Verkætlanin, sum kallast GLOBECC, skal svara hesum spurningum. Talan er um eitt samstarv millum granskingarstovnar og fyritøkur í Føroyum og Noregi og Skotlandi.

Verkætlanin, sum gongur yvir tvey ár, er fíggjað av Granskingarráðnum og við samstarvsstuðli.