Joe Biden tekur seg aftur

"Eg havi gjørt av ikki at taka við tilnevningini og at brúka alla mína orku upp á mínar skyldur sum forseti, tað sum eftir er av mínum skeiði."

Soleiðis segði sitandi amerikanski forsetin Joe Biden í fráboðan fyri løtu síðan, har hann tekur seg aftur sum forsetavalevni og í staðin gevur sitandi varaforsetanum Kamalu Harris sín fulla stuðul sum forsetavalevni.

Sostatt verður tað eftir øllum at døma - um hon fær undirtøku á demokratiska flokstinginum - Kamala Harris, sum skal stilla upp fyri Demokratarnar móti Donaldi Trump og Republikanarunum á forsetavalinum í november.