Fleiri hundrað túsund stuðla Watson

400.000 fólk hava skrivað undir áheitan um at lata leysan Paul Watson, sum er í varðhaldi í Nuuk.

Fólkini hjá Paul Watson hava á heimasíðuni hjá Captain Paul Watson Foundation skrivað eitt bræv á enskum til danska løgmálaráðið, har mælt verður frá at lata Japan Paul Watson.

Fólk skulu bara seta navn sítt undir og senda brævið til Løgmálaráðið sum teldupost.

Fólk vera eisini biðin um at samskipa mótmæli á donskum sendiráðum og lata peningaligan stuðul til royndina at fáa Watson leysan.

Paul Watson var handtikin í grønlendska høvuðsstaðnum sunnudagin.

Hann er varðhaldsfongslaður har til 15. august.

Tann úrskurðin hevur landsrætturin í Grønlandi staðfest.

Danska løgmálaráðið ger av, um Paul Watson skal útflýggjast til Japans.

Skipið hjá Paul Watson, John Paul DeJoria, liggur nú fyri akker sunnan fyri Nuuk.