Greinari: Støða Harris til stríðið millum Ísrael og Hamas óviss

"Tað er eingin ivi um, at varaforsetin og valevnið hjá demokratunum, Kamala Harris, stuðlar statinum Ísrael og tess rætti at verja seg. Men tað er óvist, hvat hon heldur um stríðið millum Ísrael og Hamas,"sigur Erik Løkságarð Absalonsen, stjørnmálafrøðingur, ið hevur lisið í USA. 

Hann vísir á, at Kamala Harris hevur ikki ordiliga úttalað seg um stríðið millum Ísrael og Hamas alment enn, síðani hon bleiv valevnið hjá demokratunum.

Stríðið millum Ísrael og Hamas er eitt eymt evni allastaðni eisini í USA. 

"Tá sást beinanvegin aftur í veljaratølunum hjá Joe Biden, at serliga ungir og minniluta veljarar ganga høgt uppí hvørja støðu, ið tú hevur til stríðið millum Ísrael og Hamas."

 

Erik Løksagarð Absalonsen, 16:9

Frítekst tagging: 

Erik Løksagarð Absalonsen

Mynd: Bjarni Árting Rubeksen 

Má vera øgiliga varin

Erik Løksagarð Absalonsen væntar, at Kamala Harris skal vera øgilga varin við ikki at fara ov langt, tá hon fer at úttala seg um stríðið.

"Um hon byrjar at tosa um vápnahvíld og annars byrjar at blanda seg uppí stríðið, so er tað er nakað, ið republikanararnir fara at brúka ímóti henni."

Spurningurin er eisini, hvussu leingi, ið Kamala Harris kann bíða við at úttala seg um stríðið millum Ísrael og Hamas. 

"Tað er nakað, ið hennara fólk eisini sita og gruna yvir. Eg vænti, at hon fer at tosa meira til vinstra vongin í flokkinum, tá tað hendir."