- Tíðindi, mentan og ítróttur
Landsrætturin staðfesti úrskurð um varðhald hjá Føroya rætti
Landsrætturin staðfesti úrskurð um varðhald hjá Føroya rætti
Maðurin, sum er skuldsettur fyri álopið við Sandá, skal halda ólavsøku í varðhaldinum
![](https://kvf.fo/sites/default/files/styles/grein-ovasta-mynd/public/vid_sanda.jpg?itok=v5JzBwF0)
Gøtan við Sandá.
28.07.2024 - 10:09
Maðurin, sum er skuldsettur fyri álopið við Sandá, skal halda ólavsøku í varðhaldinum.
Eystari landsrættur hevur staðfest úrskurðin hjá Føroya rætti um, at maðurin skal vera í varðhaldi í fýra vikur aftrat.
Maðurin, sum var tikin fyri álopið á eina kvinnu á gøtuni við Sandá á Argjum, fekk týsdagin í Føroya rætti varðhaldsfongslingina longda fýra vikur, sum politiið bað um.
Men hann kærdi úrskurðin til Eystara landsrætt, sum staðfesti hann.
Maðurin er skuldsettur fyri at leypa á eina kvinnu á gøtuni við Sandá, eystan fyri fótbóltsvøllin á Argjum sunnukvøldið tann 28. apríl.
Hann noktar seg sekan.
Maðurin hevur verið í varðhaldi síðani 28. apríl.
Nýggjastu sendingar í ÚV
Nýggjastu sendingar í SV