- Tíðindi, mentan og ítróttur
Foreldur at børnum við serligum tørvi, hava tað trupult fíggjarliga
![](https://kvf.fo/sites/default/files/styles/grein-ovasta-mynd/public/eydgunn_7.jpg?itok=pBALdGuS)
Samsýningin til foreldur ið mugu vera heima við børnum við serligum tørvi eigur at hækka, sigur Eyðgunn Samuelsen, tingkvinna fyri Javnaðarflokkin. Í løtuni er evsta markið alt ov lágt. Nú tá vit hava hækkað hámarkið í fyri barsilsútgjaldið eiga vit at hugsa um tey, sum hava børn við serligum tørvi. Summi hava tað trupult fíggjarliga, sigur tingkvinnan.
Ein sum kennir til truplu fíggjarligu støðurnar, sum foreldur kunnu koma í um tey mugu av arbeiðsmarknaðinum orsaka av barni við serligum tørvi er 22 ára gamla Andrea Tungá. Hon er mamma at tvey ára gomlu Sonju Fríðu, sum hevur gensjúkuna Aicardi Goutieres Syndrome.
Lága útgjaldið til tey, um eru heima við børnum við serligum tørvi merkist væl í gerandisdegnum hjá Andreu Tungá.
Andrea Tungá er ikki einasta foreldrið í Føroyum, sum er í slíkari støðu, sigur Helena F. Jørmundson, forkvinna í Javna. Nógv muga heim orsaka av væntandi ansingarplássi. Gjaldið má hækka, men tilboðini mugu eisini vera fleiri sigur hon.