Eitt fólk latið lív, tá endaveggur á hotelli í Týsklandi rapaði

Eitt fólk lat lív, tá endaveggurin á einum hotelli í týska býnum Kröv rapaði. 

Býurin liggur í landspartinum Rheinland-Pfalz, sum liggur tætt við markið við Luksemborg.

- Átta fólk eru framvegis undir húsaleivdunum, summi hava álvarsligar løstir, upplýsir týska løgreglan í tíðindaskrivi, sambært blaðnum Bild.

Hotel í Kröv rapað, Týskland

Vandi fyri, at allur bygningurin rapar

Politiið hevur áður upplýst, at tilbúgvingin á staðnum hevur verið í samband við seks av fólkunum, sum ikki eru bjargað enn.

Sjónvarpsrásin SWR sigur, at tað ikki hevur eydnast sløkkiliðnum at sleppa í bygningin, tí stórur vandi er fyri, at allur bygningurin rapar.

Fólk í bygningum í økinum eru eisini burturflutt, tí vandi er fyri, at hesir bygningar eisini rapa, skrivar Ritzau.