25 ára gamli sviin varðhaldsfongslaður

25 ára gamli sviin, sum varð handtikin í gjárkvøldið fyri millum at vilja spreingja tvær hondgranatir í Keypmannahavn, er blivin varðhaldsfongslaður í fýra vikur.

Tað tók rætturin á Frederiksberg avgerð um, eftir at maðurin var í grundlógaravhoyring í morgun, skrivar DR.

Tað var í gjárkvøldið, at politiið í Keypmannahavn handtók 25 ára gamla svian, sum hevði tvær hondgranatir uppi á sær.

Handtøkan var í Tingbjerg í Keypmannahavn.

Maðurin viðgongur, at hann hevði hondgranatirnar í varðveitslu, men viðgongur ikki, at ætlanin var at spreingja tær.

25 ára gamli sviin er enn ein í longu røðini við svium, sum eru tiknir fyri at vera við í brotsgerðum í Danmark. 

Eftir at skuldsetingin varð lisin upp, vóru hurðarnar til rættarsalin latnar aftur, og tí fæst ikki nógv at vita annars um málið.