Sviar skylda 122 milliardir krónur

Tað gongur alsamt verri hjá svenskarum at rinda sínar rokningar.

Tað vísa nýggj tøl frá Kronofogeden, sum er svenski pantifútin.

Fyrra hálvár í ár fingu myndugleikarnir yvir 670.000 umsóknir um at krevja inn skuld.

Tað er ein vøkstur upp á 11 prosent, samanborið við sama tíðarskeið í fjør, og eftir tveimum árum er talið á krøvum vaksið 24 prosent.

Samlaða upphæddin, ið kravd verður inn, er eftir tveimum árum vaksin 70 prosent, og er nú góðar 122 milliardir krónur.