Málið um føroyskan politist fer í Landsrættin

Eystari landsrættur hevur fingið málið um ein føroyskan politist, sum fekk tíggju daga treytaða fongsulsrevsing í Føroya rætti fyri tveimum vikum síðani.

Hann er dømdur fyri blygdanarskemd, tí hann føldi upp á ein kvinnuligan starvsfelaga í kjallaranum á politistøðini í Havn í januar í fjør.

Hann var eisini dømdur at gjalda sakarmálskostnaðin og kvinnuni 5.000 krónur í endurgjaldi.

Kravið var annars 20.000 krónur. 

Verjin hjá manninum, Karina Skou, sigur, at dómurin er skotin inn fyri Landsrættin.

Maðurin noktar seg sekan.

Statsadvokaturin er ákæri í málinum, tí føroyska ákæruvaldið er ógegnigt.