Tingið fær í dag frágreiðing um harðskap

Tingið fær í dag heildarætlan um harðskap í parløgum og nærsambondum 2023 til 2028.

Sirið Stenberg, landsstýriskvinna, leggur frágreiðingina fram.

Aðalorðaskifti um hana verður týsdagin.

Heildarætlanin er ikki heilt nýggj. Landsstýriskvinnan fekk hana 28. august í fjør. 

Í heildarætlanini eru 20 átøk, sum byggja víðari á royndirnar frá fyrru heildarverkætlanum á økinum, á royndir úr virkseminum í Kvinnuhúsinum og á royndir frá arbeiði við harðskapi uttanlands.

Fýra landsstýrisfólk, ein politiskur fylgibólkur og embætisfólk gjørdu nýggju heildarætlanina.

Trivnaðarnevndin til Grønlands

Annars fer tingið í dag millum annað at viðgera uppskotið um at yvirtaka Íleggingargrunnin.

Tingfundurin er klokkan eitt.

Fyri tingfundin í dag hevur trivnaðarnevndin fund.

Nevndin fær kunning um ferð til Grønlands, sum nevndin skal í september.