Fleiri elbilar og hitapumpur minka oljunýtsluna

Tað sæst aftur í oljunýtsluni, at fleiri elbilar og hitapumpur eru í landinum.

Í fjør brúktu vit 5.426 tons av olju minni enn í 2022 í ferðsluni á landi og til upphiting. 

Minni var eisini brúkt í 2022 enn í 2021. 

Lítið er at ivast í, at hendan gongdin fer at halda fram, tí fleiri fáa sær elbil og hitapumpu, sigur Umhvørvisstovan.

Í tveimum geirum eydnaðist ikki at minka oljunýtsluna í 2023. 

Talan er um ídnaðinum á landi og í elframleiðsluni. 

Í báðum førum kemst hetta av stórum vøkstri í virkseminum í alivinnuni og uppsjóvarvinnuni, sigur Umhvørvisstovan.