Á Breddanum: Floksskifti í Tórshavnar býráð og umboðsráðsval í Betri

Floksskifti í Tórshavnar býráð hevur vakt ans. 

Kári Johansen er farin úr Javnaðarflokkinum, og hann stillar upp fyri Framsókn á næsta býráðsvali. 

- Borgarstjórin hevur arbeitt ímóti mær, sigur Kári Johansen millum annað.

Vit tosa við Ruth Vang, forkvinnu í Framsókn, og Heðin Mortensen, borgarstjóra, og politiskur viðmerkjari verður í útvarpsstovuni. 

Umboðsráðsval

Val er aftur til umboðsráðið hjá Betri-samtakinum.

Sum vant eru valevni á sosialum miðlum við áheitanum um at atkvøða fyri sær.

Eitt valevni gongur tó ímóti streyminum. Kim Hansen stillar upp við tí endamáli at taka umboðsráðið av.

Vit tosa við tvey av valevnunum til umboðsráðið í sendingini.

Breddin í útvarpinum og á kvf.fo. klokkan 10.