![](https://kvf.fo/sites/default/files/styles/myndasavn-width/public/jacob_vestergaard_16-9-denoiseai-denoise.jpg?itok=8Yx6X_cb)
- Tíðindi, mentan og ítróttur
Heilsutrygd skal hava lógarheimild at rinda gjald aftur
![](https://kvf.fo/sites/default/files/styles/grein-ovasta-mynd/public/fullsizeoutput_1a07.jpeg?itok=H8ka7KMQ)
Í hesi tingsetuni er ætlanin at koma við uppskoti um broytingar í heilsutrygdarlógini um afturbering av innkravdum heilsutrygdargjaldi.
Neyðugt er at gera serligar reglur um afturbering, tí tað ber ikki til at staðfesta, hvør hevur rætt at sleppa undan at rinda heilsutrygdargjald uttan skjalprógv.
Tað sigur Margit Stórá, landsstýriskvinna í heilsumálum, í svari til Jacob Vestergaard, løgtingsmann.
Heilsutrygd veit ikki, hvør hevur rætt til at fáa gjald afturgoldið. Tað krevst, at persónurin sjálvur upplýsir, nær viðkomandi hevur arbeitt uttanlands, og um sosialt tryggingargjald er goldið har.
Jacob Vestergaard spurdi eisini, hví hildið verður fram at krevja inn heilsutrygdargjald frá útisiglarum.
Jacob Vestergaard. (Mynd: Bjarni Árting Rubeksen)
Margit Stórá.
Kunnu ikki steðga innheinting
Margit Stórá svarar, at TAKS hevur upplýst, at TAKS sum innheintingarmyndugleiki ikki kann steðga innheinting, fyrr stovnurin hevur fingið upplýst, hvør hevur rætt til undantak.
TAKS kann heldur ikki gjalda út aftur goldið heilsutrygdargjald, fyrr enn stovnurin hevur fingið upplýst, hvør persónur skal hava afturgoldið og fyri hvat tíðarskeið.
Heilsutrygd fekk 1. juli heimild at gera undantak frá gjaldsskylduni, tá søkt verður um tað, vísandi til Norðurlendska sáttmálan um sosiala trygd.
Undantakið kann veitast frá 2024 og frameftir.