Eiga at fáa viðkomandi útbúgvingar, sum brúk er fyri

Fólk í námsfrøðini eiga at fáa viðkomandi útbúgvingar í Føroyum, og umráðandi er eisini, at hesar útbúgvingar hóska til tað, hesi fólk skulu brúka tær til.

Tað sigur Tórbjørn Jacobsen, borgarstjóri í Runavíkar kommunu.

Tórbjørn Jacobsen, Tobbi

Tórbjørn Jacobsen er borgarstjóri í Runavíkar kommunu. (Mynd: Hilmar Jan Hansen)

Hann heldur ikki, at Mentamálaráðið hevur megnað at lyft uppgávuna at útbúgva teir námsfrøðingar, brúk er fyri.

Hetta er ikki ein spurningur um eitt universitet ella ikki, men Tórbjørn Jacobsen heldur tað vera neyðugt at gera sær greitt, hvussu útbúgvingar og størv kunnu passa saman.

Hoyr innslag í útvarpstíðindunum:

Runavíkar kommuna hevur ikki politiskt viðgjørt spurningin, um kommunan skal knýta seg upp í meritt-útbúgvingina av námsfrøðingum, sum Tórshavnar kommuna er farin undir.