Týr: Krevur nógva orku at stríðast móti djóraverndarfelagsskapum

Tónleikabólkurin Týr veit, hvussu tað er at vera í andglettinum, tá talan er um grindadráp.

Forsangarin, Heri Joensen, hevur alment vart føroyska siðin at drepa grind.

Men tað er øgiliga tíðar- og orkukrevjandi at stríðast móti djórarverndarfelagsskapum, sum eru illa upplýstir, sigur hann:

Sjóneykan verður kortini ikki sett á Føroyar á heimskenda tónleikavinnufestivalinum The Great Escape í Bretlandi næsta ár orsakað av, at vit drepa grind í Føroyum. 

Tað kunngjørdi The Great Escape seint í gjárkvøldið. 

Tað vóru annars stórtíðindi fyri føroyska tónleikpallin, tá tað í síðstu viku bleiv kunngjørt, at Føroyar skuldu vera í fokus sum tónleikaland á The Great Escape næsta ár.