Fyri fyrstu ferð fór ferðafólkatalið upp um 40.000 í september

September 2024 er fyrsti september í søguni hjá flogvøllinum í Vágum, at ferðafólkatalið er yvir 40.000.

Tað er 40.505.

Og tað eru 9,9 prosent fleiri enn í september í fjør, sum var eitt vet verri enn september 2019.

Higartil, tað er til 1. oktober, er vøksturin 3,7 prosent, verður samanborið við 2023.

Tey trý útlendsku flogfeløgini, SAS, Icelandair og Widerøe, fara ikki at flúgva til Føroya í vetur.

Icelandair er helst nøgt við føroyaflúgvingina, sum byrjaði í vár, tí felagið hevur boðað frá, at tað byrjar longu 11. apríl næsta ár, sigur Regin I. Jakobsen, stjóri í Vága floghavn.