Vápn í túsundatali tikin á amerikanskum flogvøllum

Vápn í túsundatali tikin á amerikanskum flogvøllum
Hóast tað er ólógligt at hava vápn við í handviðføri í USA, kemur hetta ofta fyri
Fólk við viðføri á einum flogvølli
Mynd: Unsplash  
 
13.10.2024 - 11:00

Nærum 20 skotvápn um dagin verða fangað í trygdareftirlitinum á amerikanskum flogvøllum.

Tað vísir ein nýggj frágreiðing, sum flutningsstovnurin TSA hevur latið gera, sambært norska kringvarpinum, NRK.

Tilsamans vórðu 5.028 skotvápn funnin í trygdareftirlitinum fyrstu níggju mánaðirnar í ár. Tað svarar til 18,3 vápn í miðal um dagin.

93 prosent av skotvápnunum eru lødd, tá tey verða funnin.

Um tú verður tikin við vápni í amerikanska trygdareftirlitinum, kanst tú verða handtikin ella fáa eina bót upp í 15.000 dollarar - tað er beint omanfyri 100.000 krónur.

Lokala løgreglan verður eisini tilkallað at taka sær av vápninum.

Tað er ólógligt at hava vápn við í handviðføri í USA, men í mongum førum er loyvt at hava vápn í viðføri, sum er innskrivað.

Er kopiera
Nýggjastu sendingar í ÚV
Hósdag 3. apríl
RagnarRokk 3.apríl 2025
189927
Hósdag 3. apríl
«Eingil boðar føðing Jesu»
190220
Nýggjastu sendingar í SV
Hósdag 3. apríl
Dagur og vika - teknmálstulkað
190208
Hósdag 3. apríl
Dagur og vika - teknmálstulkað
190180
Týsdag 1. apríl
Veðrið
190120
Týsdag 1. apríl
Heðin Brú 2:2 - teknmálstulkað
190126
Týsdag 1. apríl
DOK01430 - teknmálstulkað
190125