Vestmenningar trupla uppgávu í European Cup

Útgangsstøði hjá vestmenningum undan seinna dystinum ímóti Westwien í European Cup er ikki gott.

VÍF tapti í gjár 29-22 ímóti eysturríkska mótstøðuliðnum, og skal tískil vinna við minst sjey málum um felagið skal víðari í 3. umfar.

Tað sá annars toluliga gott út í steðginum, tá støðan var javnleikur 13-13, men steypavinnararnir úr Wien avgjørdu dystin fyrstu løtuna eftir steðgin, tá teir skutu seg upp á 20-14.

Seinni dysturin millum VÍF og Westwien verður í Vestmanna klokkan 19 í kvøld.

H71 spælir eisini seinna dystin ímóti italska felagnum SSV Brixen í dag. Fyrri dysturin endaði við 40-33 ósigri til hoyvíkingar, so nógv bendir á, at føroysku mansliðini verða útsligin í dag.