Landsstýrismálanevndin tikið fundin uppaftur

Fundurin í landsstýrismálanevndini um kæruna um Ingilín D. Strøm, landsstýriskvinnu, er tikin uppaftur, og nú sita allir tríggir nevndarlimirnir á fundi.

Tá landsstýrismálanevndin fór á fund í morgun, segði Bárður á Steig Nielsen, sum boðar Sambandsflokkin í nevndini, at hann helt fast við fyribilsniðurstøðuna, sum ein samd nevnd gjørdi í málinum fyri nøkrum vikum síðani.

Hini bæði í nevndini, Hans Jacob Thomsen í Javnaðarflokkinum, sum er formaður, og Hanna Jensen úr Framsókn, hildu kortini fram at viðgera málið.

Hans Jacob Thomsen, landsstýrismálanevndin

Frítekst tagging: 

Hans Jacob Thomsen

Landsstýrismálanevndin

Bjarni Árting Rubeksen

Hans Jacob Thomsen. (Mynd: Bjarni Árting Rubeksen)

Fundurin var niðurlagdur um 11-tíðina, tá tingfundur var settur, men fyri løtu síðani var hann tikin uppaftur.

Hans Jacob Thomsen sigur við Kringvarpið, at miðað verður framvegis eftir, at landsstýrismálanevndin skal vera liðug at viðgera málið í dag ella í kvøld.

Men tað er ikki vist, at niðurstøðan verður kunngjørd í dag.