Sitandi kanslari biðin um at skipa nýggja stjórn

Forsetin í Eysturríki, Alexander Van der Bellen, hevur biðið sitandi kanslaran í landinum, Karl Nehammer úr konservativa flokkinum ÖVP, um at royna at skipa stjórn.

Tað skrivar Ritzau.

Tað var annars høgravendi FPÔ - Frælsisflokkurin í Eysturríki - sum vann valið í september, men eftir fyrstu tingingarnar vísir tað seg, at eingin vil arbeiða saman við flokkinum.

Á valinum í september var tað fyrstu ferð síðani seinna heimsbardaga, at ein høgravendur flokkur gjørdist størstur í eysturríkska tjóðartinginum. 

FPÖ fekk 29 prosent av atkvøðunum.