Handilsflotin “grønur” í 2050

- Málið er, at allur tann handilsflotin skal vera “grønur” í 2050, so hann tá er uttan nakað útlát av koltvísúrni, sigur formaðurin í Reiðarafelagnum fyri Handilsskip.

Málið er, at allur handilsflotin skal vera “grønur” í seinasta lagi í 2050

Mynd: Faroe Ship

Kristianna Klein

27.10.2024 - 15:05

Jens Meinhard Rasmussen, sum eisini er stjóri í Smyril Line, helt í gjár fyrilestur á ráðstevnuni Varandi Heimur, sum hevur verið á Giljanesi.

Har vísti hann millum annað á, hvussu handilsskipaflotin kann gerast “grønur” og hvørji átøk skulu gerast, so málið um at sleppa undan útláti av koltvísúrni innan 2050 kann røkkast.

– Fyrst og fremst røkka vit tí við rakstar- og orkusparingar, við tað at vit sigla seinni, vera styttri í Havn og gera onnur tiltøk, sum at vaska skrokk og skrúvu og sovorðið, sigur formaðurin í Reiðarafelagnum fyri Handilsskip.

- Men fyri at fáa hann ordiliga “grønan”, so einki útlát er, mugu vit hava brennievni, sum ikki letur út koltvísúrni, og tað er ein sera stór avbjóðing, ið krevur samstarv millum rættiliga nógvar partar.

Hoyr samrøðu við Jens Meinhard Rasmussen her:

2024-10-26-Jens-Meinhard-Rasmussen